تبلیغات

بازدید

اولوتانرینین آدیلا *شعر آذری*

زنده یاد ولی سطوتی در سال 1333 به دنیا آمد . پس از مرگ پدر ، مسئولیت تامین معاش خانواده بر دوشش افتاد و از ادامه تحصیل باز ماند . با مدرک دبیرستانی به استخدام بانک ملی در آمده و از همانجا نیز بازنشسته می شود . زنده یاد سطوتی از اوان کودکی قریحه ی شاعری داشته و ابتدا سروده هایش به زبان فارسی بود . بنا به اظهار خودش ، پس از آشنایی بیشتر با ادبیات غنی زبان مادری ، تصمیم گرفت تا در دنیای شعر و ادبیات آذربایجان بیشتر مطالعه کند و تخلص (( آغلاغان )) را که نام رودخانه ای بر بستر شهرستان نیر است ، برای خود برگزید .

از همان دوره آثارش را به زبان ترکی آذری به نظم و نثر درآورد . آغلاغان به فاصله چند ماه پس از مرگ فرزند جوان خود ، ادامه ی زندگی را تاب نیاورد و بر اثر سکته قلبی دارفانی را وداع گفت و در دوره ی میانسالی ، خیلی زود دوستداران شعر و ادبیات منطقه را تنها گذاشت .

 تنها اثر منتشر شده ی ایشان با عنوان (( آغلاغانین غزللری )) در تابستان 1380 و بوسیله ی انتشارات نیکان کتاب زنجان به زیور طبع آراسته شد. متاسفانه عمر کوتاه این شاعر فرصت نشر برخی از آثار آماده نشرش را به او نداد . آثاری چون (( منظومه ساوالان )) – (( لیلی و مجنون )) -  (( بولبول داغی )) و غزلیات و مخمسات . آثاری که به اعتراف برخی خوانندگان آنها ، چاپ و انتشارشان می توانست در شناساندن ادبای شهرستان و فرهنگ منطقه بسیار سودمند بوده و انقلابی در حوزه ی ادبیات شهرستان نیر ایجاد کند .

در حال حاضر شعرهای موجود در این وبلاگ از کتاب «اغلاغانین غزللری» می باشد ، و تلاش میکنیم تا در سال های اتی اثرهای دیگر این زنده یاد را به چاپ برسانیم و در این وبلاگ هم قرار دهیم.



تاریخ : شنبه 6 اردیبهشت 1393 | 07:41 ب.ظ | نویسنده : AGLAGAN | نظرات

چوخدان واریمدی کشمکشیم روزگاریله

کور اولدو گؤزلریم داها بو انتظاریله

دور زمان دولانمادی بیر یول مرادیمه

دایم ساواشدایام بو دل بیقراریله

بختیم یاتیبدی طالعمین یوخ بیر اولدوز

اؤتدی شباب عمر نه گؤر آه و زاریله

عشق عالمینده سئودیگیم اغیاره جان دئدی

اولدوم کباب حسرت روخسار یاریله

هجرانیله یالانچی باخیشلار منیمکیدیر

دلدار غیر ائوینده دی بوس و کناریله

نه همیّتم علاج ائله ییبدیر نه قسمتیم

نئیلیم ایلاهی بو فلک کجمداریله

هئچ یاریاره چاتمادی بو روزگاریله

بولبول قالیبدی گول یاشاییر جور خاریله

عاشقسن آغلاغان یئنه عالمده فخر ائله

عاشق یاشار همیشه جهاندا وقاریله



شاعیر : زنده یاد ولی سطوتی نیری



تاریخ : پنجشنبه 13 خرداد 1395 | 03:16 ب.ظ | نویسنده : AGLAGAN | نظرات

جاندان دوشردی کونلوم ، جانانه اولماسایدی

چاتمازدی شمعه شهرت، پروانه اولماسایدی

تئللر اسیب سالاردی عاقللری آیاخدان

رنجیر زلفه باغلی دیوانه اولماسایدی

میخانه لرده باده موشکول دوشه ردی یاده

آهو باخیشلی گوزلر خمخانه اولماسایدی

باد صبا پوزاندا گیسولرین نظامین

اولمازدی یاره کونلوم گرشانه اولماسایدی

منع شراب ائدردیم زاهد مثالی منده

پیمانی سیندیراردیم پیمانه اولماسایدی

مین درد عشقه چاره ائیلردی بیر اشاره

جان دردینه گوزه للر بیگانه اولماسایدی

گول تک گولردی اوزلر قان آغلامزدی گوزلر

گوندن دور و حقیقت افسانه اولماسایدی

روحوم قوشون ائدردیم جان دوستاغیندان آزاد

حاجت بو جسم آدیندا زندانه اولماسایدی

گنج محبت «عاصم» سالمازدی یئر اوره کده

جانان یولوندا کونلون ویرانه اولماسایدی

 

شاعیر :زنده یادآقای  عاصم اردبیلی



تاریخ : پنجشنبه 13 خرداد 1395 | 03:14 ب.ظ | نویسنده : AGLAGAN | نظرات

زولفوندن آلیب درس پریشانلیقی کؤنلوم

کویونده آنیبدیر بئله حیرانلیقی کؤنلوم

شهلا گؤزیوین یادینه شئه دوشدو گول اوسته

تر غنچه کیمین آنلادی خندانلیقی کؤنلوم

اون دؤرت گئجه لیک آی کیمی روخساریوی

گؤرجک بیلدی علناً قانینه غلطانلیقی کؤنلوم

بیر ائوکی گولوم عشقیدن آباد اولا هیهات

اوّلده اودور ایسته دی ویرانلیقی کؤنلوم

ائللرده مثل واردی «وفا اومما گؤزلدن»

هاردان تاپاجاق بیرده بو سلطانلیقی کؤنلوم

نه فتنه وه اویدوم نه ده کی عشقوه ونازه

نه رنگ و ریا سئودی نه شیطانلیقی کؤنلوم

من آغلاغانام خالقیم ائلیم دیر منیم عشقیم

دیو وددی یوخ ایسته ییر انسانلیقی کؤنلوم


شاعیر : زنده یاد ولی سطوتی نیری



تاریخ : چهارشنبه 12 خرداد 1395 | 10:50 ق.ظ | نویسنده : AGLAGAN | نظرات

وصل اولماسا هجران غمینه چاره تاپیلماز

باشدان باش اولان تحفه گوزه ل یاره تاپیلماز

اود یوردو آذربایجانیما وورغون ایگیددن

ایمانی ساتان درهم و دیناره تاپیلماز

درمان اولو ، مین یاره دگه یاره نین اوستدن

دیل یاره سی تک درده سالان یاره تاپیلماز

آغ گئمیک ایلن بختی قرا بختور اولسا

ایللر بویو دونیاده گونی قاره تاپیلماز

بدکاره ساتار اوز شرفین شهرته ، آمما

اوز یوردونا خائن کیمی بدکاره تاپیلماز

یوز هرزه تیکان بیتسه ده بیرگول بوداغیندا

چوخ اولسادا دونیاده جانیندان دویان عاشیق

حلاج کیمین بوسه ووران داره تاپیلماز

گوز یاشی گواه اولسادا گر عشقینه «عاصم»

سینمیش اوره گین تک سند پاره تاپیلماز



شاعیر : آقای عاصم اردبیلی


تاریخ : چهارشنبه 12 خرداد 1395 | 10:48 ق.ظ | نویسنده : AGLAGAN | نظرات

یاناسان یانمیش اورک بَسدی دا یاندیـــــرما منی

او گِئدَن گئلمیه جاق گونـــــده ایناندیـــــرما منی

بی وفـــــا یاره اورک باغلامـــــیشام یانمالیـــــام

بوندان آرتیق منـــــی آغلاتما اوتـــــاندیرما منی

گوزلین عادتیـــــدیر بی وفا اولســـــون نه ائــــدیم

ســـنه اول ده دئدیـــــم عشقـــــه بویاندیرما منی

چرخی سینسین فلکین عمرومی حسرت ده چکیب

باری ســـــن رحم ائله حسرت ده دولاندیرما منی.

yanasan yanmış ürək bəsdi da yandırma məni

o gedən gəlmiyəcaq gündə inandırma məni

bi vəfa yarə ürək bağlamışam yanmalıyam

bundan artıq məni ağlatma utandırma məni

gözəlin adətidir bi vəfa olsun nə edim

sənə əvvəldə dedim eşqə boyandırma məni

çərxi sınsın fələkin ömrümü həsrətdə çəkib

barı sən rəhm elə həsrətdə dolandırma


شاعیر :  آقای فرید بجائی



تاریخ : چهارشنبه 12 خرداد 1395 | 10:29 ق.ظ | نویسنده : AGLAGAN | نظرات

بو گلن شوخیده یارب نه ملاحت واردیر

جانه اودسالماق اوچون گؤر نه سیاست واردیر

طرفه شهلا گؤزونه قیلسا نظر عاشقلر

جذب ائدر سئحریلی گؤزلرده صداقت واردیر

ایری قاشلاری کمان ائیلسه مژگانینی تیر

اودلو سینه مده مگر جای سلامت واردیر

خط وخالیدان اگر زولف سیاهین آییرا

قان اورکده قارا خالیندان علامت واردیر

مین قدح داشلانار اول گردن میناسیندان

ساقی صوفیه باخ گؤر نه کرامت واردیر

لعل گولفامین اگر غنچه کیمی ترپتسه

شن باهار عالمینه مینجه حکایت واردیر

اخمیلن قاش قاباغین سئوگیسینه تورشاتسا

حسرتیندن اؤلنه فکر حمایت واردیر

آغلاغان قیلما تمنا بووفا سیزلاردان

قوی سووشسون بوفنادهر ، قیامت واردیر


شاعیر : زنده یاد ولی سطوتی نیری



تاریخ : دوشنبه 14 دی 1394 | 06:41 ب.ظ | نویسنده : AGLAGAN | نظرات

آغلا ، تار ، آغلا بوگون ، آغلا دل زاریمه سن

آغلا تا صبحه کیمی دیده خونباریمه سن

سس لنیب وئر سسیمه سس ، ائله تسکین دردی

بنزه بوقاره گونی یار وفاداریمه سن

دورنا تئللرده قالیب باغریمین حسرتلی گؤزی

کاسه ی صبردولوب سسله ده ظالیمه سن

دئیسه مضراب سیمیمن اوستونه نئللر تیتیره ر

یاریمین زولفی دوشر باده باخ احوالیمه سن

ظلموده یاخشیدی اندازه نه تک هر ایشده

هم دئنه یاریمه هم سویله او اغیاریمه سن

ناله وین غملی سسی دتلیلرین ناله سی تک

اود سالیر قلبیمه ، باخ کؤنلوده آزاریمه سن

درویشین دتلرینی یاده سالیرسان بیر بیر

هر زمان سس له نی سن باخ اوزمان حالیمه سن



شاعیر : آقای صمد خوشکلام



تاریخ : دوشنبه 14 دی 1394 | 06:38 ب.ظ | نویسنده : AGLAGAN | نظرات

کول بورونموش آتش عشقم شرردن توشموشم

شاختادان دونموش آغاجلار تک ثمردن توشموشم

یوز نیستان ناله مین بیرنی قدر تاثیری یوخ

کهنه درمانم زمان کئچمیش اثردن توشموشم

گوزگوتک شعریمده هرکس دوزگوروب اوزگورکمین

نئله مک چیرکینلر آرتدیقجا نظردن توشموشم

توسن طبعیم طلسم اولموش خرامان اول رقیب

فرصت میدان سنیندیر من خطردن توشموشم

یار اوره کلر اینجئییب کووره لمه دن داشلیق سئویر

یا که پاسلانمیش قلینج لار تک کسردن توشموشم

تکجه عاصم دیندیریر گوزلرده کی سوزلر منی

چونکه اول درم که بیرگون چشم تردن توشموشم


شاعیر : آقای عاصم اردبیلی


تاریخ : دوشنبه 14 دی 1394 | 06:25 ب.ظ | نویسنده : AGLAGAN | نظرات

نئجه گولشنده خزان موقعی گوللر سارالار

اوجاداغلاریدا ائل کؤچجگی فورا قار آلار

بولبولون ناله ی جانسوزی یاخار دونیانی

غملی کاشانه لرین دور و برینی خار آلار

شمع سوزاندا قصاص ائیلر اؤزون صبحه یاخین

ال آتار یوز گوزونه غملی عذارین یارالار

دهر بازارینا گر چکسلر یارین قاداسین

غیریدن مشتری چیخماز اونا ، آلسا یار آلار

هر بالیق شوق وصالیله چیخا دریادن

نفسی تنگه دوشر جانی چیخینجاق چوبالار

زولف دلبرله اگر عاشق اؤزون چکسه دارا

نقده ر چیرپینا اول قدری دویونلر دارالار

آغلاغاندا الی قوینوندا قالان عاشقدیر

آستانوندا اوقدری دایانار تا قوجالار


شاعیر : زنده یاد ولی سطوتی نیری


تاریخ : چهارشنبه 4 آذر 1394 | 08:44 ب.ظ | نویسنده : AGLAGAN | نظرات

ایله چاره دردیمه دونیاده درمان ای حکیم

قوی اولا جانیم بله بنیاده قربان ای حکیم

در آلیبدیر جسمیمی قویمور منی بیر شاد اولام

آریزومو ایلیب قلبیمله بیریان ای حکیم

استه یردیم حرصیله چوخ دردیمی گزلن سانام

اما دردیم ایله یر هر گونده توغیان ای حکیم

سان قفسده قالمیشام بیر چاره سیز بلبل کیمی

چوغ اومیدسیز ایله رم آهیله افغان ای حکیم

بیر نظر قئل قوی منیم دردیم بوتون چخسن اوزه

تاب قیلمیر دردیمه روحیله بیر جان ای حکیم

واردی ییرمی دورد یاشیم لاکین اغاریبدیر باشیم

هر سوزه فکرایله ییب اولدوم پریشان ای حکیم

«بوموغان اوغلو»دیر ائللرده صیاد اولماسا

بیرده دای دوشمز تورا چوللرده جیران ای حکیم



شاعیر : موغان اوغلو



تاریخ : چهارشنبه 4 آذر 1394 | 08:41 ب.ظ | نویسنده : AGLAGAN | نظرات
تعداد کل صفحات : 4 :: 1 2 3 4
آغلاغان

کد قفل کردن راست کلیک

هاست لینوکس