تبلیغات

بازدید

اولوتانرینین آدیلا *شعر آذری* - گورمه سین

گیزلین گلیم حریمیوه بیگانه گؤرمه سین

باهم یاناق بیر آتشه پروانه گؤرمه سین

چوخداندی کی اول سلسله ی عشقه باغلی یام

روخساریدن آییر تئلیوی شانه گؤرمه سین

مه صورتون شافاغلی گونش تک پاریلداسین

آهسته لبلروندن اؤپوم چانه گؤرمه سین

قوی سیندیریم حصارینی باغ اناریوین

آل گونه ن اوسته خالیوی درّدانه گؤرمه سین

آل کؤنلومون غبارینی دیسکینمه سین اوره ک

آبادلیغی اقلّی بو ویرانه گؤرمه سین

مینای عشقی قان یاشیلان دولدوراق یئنه

مئی جامینی آلاق اله میخانه گؤرمه سین

شهد لبونده کؤهنه شرابیین حدیثی وار

وئر اذن نوش ائدیم لب پیمانه گؤرمه سین

ساخلا کؤنولده حسرت هجرانی آغلاغان

سئودای وصلی بو دل دیوانه گؤرمه سین

شاعر: زنده یاد ولی سطوتی نیری


تاریخ : سه شنبه 2 اردیبهشت 1393 | 09:24 ب.ظ | نویسنده : AGLAGAN | نظرات
آغلاغان

کد قفل کردن راست کلیک

هاست لینوکس