تبلیغات

بازدید

اولوتانرینین آدیلا *شعر آذری* - کؤنلومده مین غوغاسی وار

هر کیمین باشیندا عشقین سؤنمه ین سئوداسی وار

خوش اونون احوالینا کؤنلونده مین غوغاسی وار

حسرت دلبر چکیر قلبینده قان فوارره سی

ابر رحمتدیر گؤزونده اشک سیل آساسی وار

ترک ائدیب دونیا و مافیهانی معنا آختاریر

سانکی صنعاندیر دیلینده منطق برّاسی وار

ائیله مز صحن چمنده آرزوی یاسمن

گولشن عشقینده چونکی نرگس شهلاسی وار

قان اوره ک پروانه لر تک وصله چاتجاق اودلانار

خاک پای دلبر اولماغین گؤزه ل معناسی وار

کوه کن حوریّت آختاردی مقام عشقده

اول سببدن دیر او ناکامین ید بیضاسی وار

تیشه سییله ریشه ی عمرین قازیب محو ائیله دی

بیستوندا اول شهیدین ایندیده امضاسی وار

وامقه تهمت ویرانلار یانمادی احوالینا

وئرمه دی هئچ کس شهادت اودلانان عذراسی وار

حسرت عشقین یازیق دفن ائیله دی توپراغلارا

لاله تک کؤنلونده گیزلین داغیله شوراسی وار

غملی مجنونی سالیب عشقین اودو چؤلدن چؤله

بیلمه دی قانه دؤنن کؤنلوده مین سئوداسی وار

غم قطاری کوچ ائدیب منزل به منزل یوللانیر

بینوا مجنون اوره کده بانگ واویلاسی وار

اوز توتوب باد صبایه سؤیله دی قیس حزین

قاصد عشق اول منه سنده مسیح انفاسی وار

گئت امیر کاروانه سؤیله ای نیکو معاب

محمله آهسته هئی ویر اوردا غم دریاسی وار

دامنین آت محملین عطرین آلیم جانانیمین

قوی دئسینلر قیسی مجنون ائیله ین لیلاسی وار

آغلاغان عشقین یولون حق عاشیقندن آل خبر

چون مجازی عاشقین هر لحظه بیر فتواسی وار



شاعر : زنده یاد ولی سطوتی نیری




تاریخ : سه شنبه 15 مهر 1393 | 09:00 ق.ظ | نویسنده : AGLAGAN | نظرات
آغلاغان

کد قفل کردن راست کلیک

هاست لینوکس