تبلیغات

بازدید

اولوتانرینین آدیلا *شعر آذری* - گلیرم

عشق دیوانه سی یم کوی وفادن گلیرم

هجر قوربانلیغییام کوه منادن گلیرم

بورویوب عشق منم سعی و صفادن گلیرم

حاجی عشق منم سعی وصفادن گلیرم

ازبرم آیه ی لبیک و لک لبیکی  

عشق مأواسی اولان بیت خدادن گلیرم

عرفاتی دولانیب ربّی الاعلی دئمیشم

ایتیریب راه حقّی راه فنادن گلیرم

خلق شیطانه ویرار کعبه ده سنگ جمره

منده قلبیم یارالی سنگ جفادن گلیرم

هامی اؤز ایسته دیگی حاجته ال تاپدی ولی

منده هجرانه یانیب آه نوادن گلیرم

کام دل آلدی رقیبیم ولی من مثل حباب

دولودور پیرهنم باد هوادن گلیرم

آغلاغانام منه تقدیر یازیب گؤزیاشینی

شاکی یم دائمی تقدیر و قضادن گلیرم

 

شاعر : زنده یاد ولی سطوتی نیری



تاریخ : سه شنبه 29 مهر 1393 | 04:53 ب.ظ | نویسنده : AGLAGAN | نظرات
آغلاغان

کد قفل کردن راست کلیک

هاست لینوکس