تبلیغات

بازدید

اولوتانرینین آدیلا *شعر آذری* - ایشیغلانسین

گؤتور نقابی یوزوندن جهان ایشیغلانسین

کاره چک تئلیوی کهکشان ایشیغلانسین

پاریلدا گون کیمی پلمه دالیندا گیزلنمه

سنین طلعلووه بیر زمان ایشیغلانسین

قوشول بولوتلارا چک داغلارا قاری یاغیشی

شلاله لرده کی آب روان ایشیغلانسین

یازین چیچکلی چاغی وئر نسیمیلن ال اله

گولنده غنچه دوداغلار جنان ایشیغلانسین

هلال قاشلاریوا وسمه چک گؤرنده منی

گؤزونده غمزه لی تیر وکمان ایشیغلانسین

منی او قیقاجی باخماق سوروندورور سنیله

گولوشله جانیمی آل بلکه جان ایشیغلانسین

  تبسم ایله گؤزوندن شراره لر قوپسون

اقلّی بو قاراگون آغلاغان ایشیغلانسین


شاعر : زنده یاد ولی سطوتی نیری



تاریخ : چهارشنبه 12 آذر 1393 | 10:43 ب.ظ | نویسنده : AGLAGAN | نظرات
آغلاغان

کد قفل کردن راست کلیک

هاست لینوکس