تبلیغات

بازدید

اولوتانرینین آدیلا *شعر آذری* - شعر

نه بیلیردیم سنی سئوسَم شَهَره قان دوشه‌جک؟

بو گئجه عزرائیلین گؤیلونه بیر جان دوشه‌جک

کسیرم اؤز باشیمی، سن گله‌جکدین بو سئری!

من بیلیردیم کی سنین گؤیلونه قوربان دوشه‌جک

اوره‌ییم سئوگیمیزین داللاری اوستونده کی نار

داشینی سئلبه‌له‌ییب قلبیمه وورسان دوشه‌جک

ائله اوّل گونو باخدیقدا دوشوندوم یازیمی

گؤزلرین ایچره منیم شانسیما زیندان دوشه‌جک

نه بیلیردیم بو دؤنه دار کوچه‌زین آغزیندا

قیریلیب اللریمیز دیغلایاجاق، یان دوشه‌جک

قاناجاقسیز اوشاغام کی گؤزون اوستومده دئییل

داغی‌نین ایچره ایتیب‌دیر، اوچورومدان دوشه‌جک

اوره‌یین پای کیمی دوشموش خیابانلار ایچینه

نه بیلیردیم سنی سئوسَم شَهَره قان دوشه‌جک؟



شاعر: جناب آقای ایلقار مؤذن زاده



تاریخ : یکشنبه 30 فروردین 1394 | 09:49 ق.ظ | نویسنده : AGLAGAN | نظرات
آغلاغان

کد قفل کردن راست کلیک

هاست لینوکس