تبلیغات

بازدید

اولوتانرینین آدیلا *شعر آذری* - شرربارم من

عاشقم صبحه کیمی هر گئجه بیدارم من

یوخو گلمز گؤزومه عشقیده بیمارم من

شمع لرزان کیمی شعله م اریدیر جان و تنیم

غملی پروانه لره گرمی بازارم من

صونا بولبول تکی یغمایه گئدیب یوردویووام

خاره بئل باغلامارام مایل گولزارم من

سانکی اسکندر دهرم گزیرم آب حیات

گئدیرم ظلمته آیدینلیغا بیزارم من

جانی جانانه فدا قیلماغا کؤنلوم تله سیر

عشق سئوداسی اوچون اویله فداکارم من

منه طعن ائیله مه ناصح کی وفا آنلامیرام

آنلاماز دیغسا وفا ، اوندا وفادارم من

قورخورام شهپر آچاندا سؤنه شمعین شرری

یانمایام فیکر ائده لر عشقه ریاکارم من

قویون اؤز باشیمه منلن نه ایشیز واردی سیزین

ائیله بسدیر بو قده ر  درده گرفتارم من

کایناتی چکرم یئر یوزونه آهمیلان

کوللر آلتدا کؤزه رن رن نار شرر بارم من

آغلاغانام گؤزومون یاشی اولوبدور غزلیم

خیل عاشقلره دونیاده جلودارم من

کیمسه تحریف ائده بیلمز دیلیمین شیواسین

چونکی شیرین دیلیمه یاخشی پرستارم من


شاعر : زنده یاد ولی سطوتی نیری


تاریخ : یکشنبه 30 فروردین 1394 | 10:57 ق.ظ | نویسنده : AGLAGAN | نظرات
آغلاغان

کد قفل کردن راست کلیک

هاست لینوکس