تبلیغات

بازدید

اولوتانرینین آدیلا *شعر آذری* - ساوالان

اته گی صلح وصفا،آی باشی طوفان ساوالان

پیرچگی آغ،چمنی گؤی،لالاسی قان ساوالان

باشی قارلی،اوره گی اودلو،بولاغلاری سرین

تؤکولورگول نفسوندن سنین عرفان ساوالان

توپراغی لعلیله مرجان،داشی یاقوت یمن

دئیه رم داغلار ایچینده سنه سلطان ساوالان

داشی کهلیکلی،گؤیودورنالی،جیرانلی دوزو

آل یاناغوندا بیترنرگس و ریحان ساوالان

چنلی بئلدن یاراشیخلی اوباوا،یایلاقیوا

شانلی ائل اویماق اولار یازباشی مهمان ساوالان

نبی نین بوز آتی کیشنر،چولومخملی قوماش

هجرائیلراونااؤزجانینی قوربان ساوالان

سارانی سئللرآپارماخدابیز اولدوق مظلوم

خان چوبانین اوباسین ائتدیله ویران ساوالان

من گونئی دن سن قوزئی دن وئرک ال بیربیرینه

باغلایاق همتیلن بیریئنی پیمان ساوالان

احتشامیله گیره ک  دالغالی دریا ایچینه

قعردریاده تاپاق دُرّیله مرجان ساوالان

نیرآیاقوندان اؤپوپ فخرائله یرسه آدیوا

آغلاغاندا سنین اوغروندا وئره ر جان ساوالان


شاعر : زنده یاد ولی سطوتی نیری



تاریخ : پنجشنبه 10 اردیبهشت 1394 | 10:01 ق.ظ | نویسنده : AGLAGAN | نظرات
آغلاغان

کد قفل کردن راست کلیک

هاست لینوکس