تبلیغات

بازدید

اولوتانرینین آدیلا *شعر آذری* - سعادتدی منه

گوزه لیم گوزلرین وصفی عبادت منه

روبه قبله اوتوماق دائمی عبادتدی منه

ورق حسنوده ای گول یازیلان خال وخطین

یاخشی تفسیر ائله ین اولسا تلاوتدی منه

اول قاراگؤزلرین یادینه تسبیح ائله مک

ورع وزهدیله محشرده شفاعتدی منه

تیغ ابرولریلن جانیمی سن السان اگر

عاشقم بئیله اؤلوم فیض شهادتدی منه

غنجه ی لبلریوین شهدینی دادسام نه اولار

گرچی بوایش بیلیرم چوخلو جسارتدی منه

گئدیب اغیاریله بی پرده دولانسان ای گول

ائت یقین ائیله بیرایش وغرو خیانتدی منه

آغلاغانم غزل اسبابی حیاتیم دی منیم

صنعت شعر وغزل ذوقی سعادتدی منه

من اوشاعیر ده ییلم فخر ائله سین یازدیغینا

اوز ائلیم سئوسه بواشعاری کفایتدی منه


شاعر : زنده یاد ولی سطوتی نیری


تاریخ : یکشنبه 26 مهر 1394 | 01:28 ب.ظ | نویسنده : AGLAGAN | نظرات
آغلاغان

کد قفل کردن راست کلیک

هاست لینوکس