تبلیغات

بازدید

اولوتانرینین آدیلا *شعر آذری* - شعر

اوددوتوب جان یانیرام معشقوه پروانه کیمی

گؤرنه سالدون منی چولدن چوله دیوانه کیمی

باغلادیم کونلومی من طرّه ی طرّاره اوگون

انودوب عشقینی یادّان چیخان افسانه کیمی

دوندریب اوز گئدیب اغیاریله دمساز اولدون

هچ روادیر اولاسان سن منه بیگانه کیمی

عشقوه باغلیدی کونلوم بیله سن حشره کیمی

نقد جان وئرمیشم اول عشقنه جانانه کیمی

تار مژگانه دولوب شبنم اشکیم بو گئجه

غملی گوزدن آخاراق تا گئده عُمّانه کیمی

آغلاغان ، آخ «خزانین» سولقون اولان باغلارینا

مست ایله شهد لبوندن دولی پیمانه کیمی



شاعر : رضا سطوتی نیری


تاریخ : یکشنبه 26 مهر 1394 | 01:31 ب.ظ | نویسنده : AGLAGAN | نظرات
آغلاغان

کد قفل کردن راست کلیک

هاست لینوکس