تبلیغات

بازدید

اولوتانرینین آدیلا *شعر آذری* - کیم یانسین

شرار شمعدن حاصل بودور پروانه لر یانسین؟

ویاکی عشقدن عاری اولان بیگانه لر یانسین؟

مصلّم بیر حکایت دیر قبیحه هئچ بلا گلمز

قضا تقدیری ده اولسا گره ک دردانه لر یانسین

باهاری گؤزله ین بولبول دؤزر هر جور پاییزه

روادیرمی او بولبوللر قوران کاشانه لر یانسین؟

آچاندا پیرچگین سوسن چمنده لاله قان آغلار

نئجه باغبان قییار ژاله اؤپن ریحانه لر یانسین؟

قدحده عکس دلداری گؤرنلر هوشیار اولماز

آییق زاهدلرین فکری بودور پیمانه لر یانسین

خرابات اهلی سرخوشدور بیزه عیب ائیله مه ناصح

بو محرز دیر یانار اوددا دل دیوانه لر یانسین

حدیث عشقی عارف لر تجرّده ائدیب معنی

بوسئوداترک جان ایستر گره ک جانانه لر یانسین

آماندیر آغلاغان سئیر ائت تغزل عالمین بیر بیر


داراخلا زلف دلداری آلیشین شانه لر یانسین


شاعر : زنده یاد ولی سطوتی نیری


تاریخ : دوشنبه 27 مهر 1394 | 10:00 ق.ظ | نویسنده : AGLAGAN | نظرات
آغلاغان

کد قفل کردن راست کلیک

هاست لینوکس