تبلیغات

بازدید

اولوتانرینین آدیلا *شعر آذری* - وطنیم

واریؤخوم بیرقوری جاندیر سنه قربا ن وطنیم

اولمارام گئدسه یؤلوندا اودا ، پئشمان وطنیم

قبر ائوینده چورویوب توپراقا چؤرولسه جانیم

ذرره، ذرره م دییه جکدیر گینه ، ایران وطنیم

من سنین حالیوه قالمیش نگران ، مندن ئوتور

گؤروره م سنده بوگؤنلر ، نگران سان وطنیم

دوزه لر حالیمیز آمما هله تئزدیر یئمه غم

من آییلسام یوخودان ، سنده آییلسان وطنیم

شعله ی دردیله غمده یانیری پاک بدنین

بیل کی نادان لار اودی اوسته کابابسان وطنیم

ائلیمیز علم و صنعت صاحبی دیر قیمتی ، یوخ

وئرین ارزش یاخاسین قورتارا سام دان ، وطنیم

وطنین توپراقینی سرمه ائدر درویشیمیز

آلماسا بیرگون اگر سرمه حجازدان وطنیم

 

شاعیر : آقای صمد خوشکلام 



تاریخ : دوشنبه 2 آذر 1394 | 10:19 ب.ظ | نویسنده : AGLAGAN | نظرات
آغلاغان

کد قفل کردن راست کلیک

هاست لینوکس