تبلیغات

بازدید

اولوتانرینین آدیلا *شعر آذری* - گلمیشم

گوستر اوزون کی سیر گلستانه گلمیشم

بیر زائرم زیارت جانانه گلمیشم

لطف ائیله ، وورما قهر داشین داغلی سینه مه

درگاهینه امیدیله درمانه گلمیشم

ایللر بویو تحمل ائدیب هجر دردینه

بئش گون قوناق بو خانه ی احسانه گلمیشم

شرمنده یم اگر چی برازنده ی تحفه دن

جان نقدی الده ، ملک سلیمانه گلمیشم

سن سیزلیگه دوزنمه میشم ، گرچه قطره یم

مین شوقیلن قوشولماغا عمانه گلمیشم

کافر آدیلاگر چی قاپوندان قاوولموشام

رحم ائیله باری ، ایندی کی ایمانه گلمیشم

سیندیرمیشام جسارتیلن عقل سدینی

دیوانسرای عدلووه دیوانه گلمیشم

تا مهریلن غرور باشین وورموشام داشا

مهر نگاردن سر و سامانه گلمیشم

من مجمرینده اوره کدن آلیشمیشام

تسکین درده ، چشمه ی عرفانه گلمیشم

نیزار تک سیزیلتی چوکوب سوزلو سینه مه

هجران نوالی ، منده نیستانه گلمیشم

عشق اهلی دیر ، حقارتیلن باخما «عاصمه»


عالم بیلیر بو عرصه یه مردانه گلمیشم


شاعیر : آقای عاصم اردبیلی


تاریخ : سه شنبه 3 آذر 1394 | 03:38 ب.ظ | نویسنده : AGLAGAN | نظرات
آغلاغان

کد قفل کردن راست کلیک

هاست لینوکس