تبلیغات

بازدید

اولوتانرینین آدیلا *شعر آذری* - دادگاه عدل

ساقی آچ میکده نی ساغر و صهبا گلسین

اذن وئر مطربه اللر دولو مینا گلسین

وئر خراباتیلره مژده ی نوشانوشی

قوی بو سئودالی ائوه عاقل و دانا گلسین

ساز و آواز ائله سین کر یئنه گوش فلکی

گوشه ی میکده دن صوت نی و نا گلسین

مرشد پیر سراسیمه اویانسین یوخودان

مجلسه لات و مناتیله چلیپا گلسین

حبسیدن یوسفی آزاد ائله یین بیر نئچه گون

اونون عشقینده اؤلن گیزلی زلیخا گلسین

غملی مجنونه وؤرین سیز بو قورولتای خبرین

عشق سر منزیلینه غصه لی لیلا گلسین

بیستوندان چاغیرین های قوپاران فرهادی

دیلده هجران سؤزو شیرین دلارا گلسین

قویمایون بیر نفر عاشقلری بیر یانه گئده

ویس و رامینه دئیین ، وامق و عذرا گلسین

کرمی سازیله دعوت ائله یین بزمیمیزه

بزم عشاقه دئیین اصلی شیدا گلسین

حورمتیله چاغیرین خان چوبانی معرکه یه

بیرده سئللر بوغان ائل نیسگیلی سارا گلسین

باشلایاق عشقی بو محفیلده چکک محکمه یه

کیم بو سئوداده اولوب دهریده رسوا گلسین

سیندیراق مهر سکوتی لال اولان دیللرده

حقّین اثباتی اوچون منطق برّا گلسین

متّفق رأیله هجرانی سالاق زندانه

داها بوندان بویانا وصل و تمنا گلسین

نقده ر جور زمان عاشقی نالان ائده جک

گؤتورون قیدی قویون عشق اؤزو تنها گلسین

آغلاغاندیر گؤروسوز منشی دادستانی

بئیله فتوانی اودا ائتمه گه امضاء ، گلسین



شاعیر : زنده یاد ولی سطوتی نیری



تاریخ : سه شنبه 3 آذر 1394 | 04:47 ب.ظ | نویسنده : AGLAGAN | نظرات
آغلاغان

کد قفل کردن راست کلیک

هاست لینوکس