تبلیغات

بازدید

اولوتانرینین آدیلا *شعر آذری* - سن گلنده

سن گلنده چای چشمه لر دالغالانیب آشار داشار

سنون شیرین خیالینلا منیم سنیق قلبیم یاشار

سحر سحر اسر کولک ، خام یوخودان دورار چیچک

گول بولبوله بولبول گوله اوره ک سوزون پیچلداشار

بو بیر سوزی ازل گوندن اشتمیشم سئوگیلمدن

درمان گلوب دردینله وصله یتوب قوجاقلاشار

وور گؤنلومه عشق آذرین منده یانیم سرین سرین

اوره گیمدن حسرت هجران یاندیغیجاق اوزاقلاشار

حدن آرتیق چکدیم غمی دیله گتدیم یانان سیمی

هانسی یولچو منیم کیمی دوز یولوندا یولون چاشار

دورما دورما گوز یاشیم آخ ، ائلدیریم اول داغلارا چاخ

منیم کیمی آریق آخساق ، سنله نئجه آیاقلاشار

یوز ایل پیش سم یئنه خامام ، خوم دیبنده سینق جامام

وصله چاتام باشارمیرام زولفون دئدی چالیش باشار

درویش باده توکر جاما ، ایچیب خلوت چاتار کاما

سن گلمه سن بو آقشاما ، هجران غمی باشدان آشار



شاعیر : آقای سرعینلی رحیم اسدالهی درویش



تاریخ : چهارشنبه 4 آذر 1394 | 09:10 ق.ظ | نویسنده : AGLAGAN | نظرات
آغلاغان

کد قفل کردن راست کلیک

هاست لینوکس