تبلیغات

بازدید

اولوتانرینین آدیلا *شعر آذری* - راز نیاز ائیله میشم

گئجه نی صبحه کیمی راز ونیاز ائیله میشم

اوز توتوب درگه سبحانه نماز ائیله میشم

وصلیوه چاتماق اوچون شمع روخوندا الیشیب

غملی پروانه کیمی سوزو گداز ائیله میشم

حسرتینله سویوشوب غملی حیاتیم گؤزلیم

انتظاروندا سنین چوخ قیشی یاز ائیله میشم

طاق ابرولری محراب عبادت سایاراق

اؤزومو عبد،سنی بنده نواز ائیله میشم

کعبه ی حسنووی گؤز یاشلی طواف ائیله مگه

اوجا داغلاردان آشیب عزم حجاز ائیله میشم

دشت سینه نده ائدیر چشمه ی زمزم فوران

منده گؤز یاشیمی آخدیقجا آراز ائیله میشم

قارا گیسولریوی بدر جمالوندن آییر

 قیل نظر گؤر نه قده ر شیب وفراز ائیله میشم

آغلاغانم اوجاداغلاردا بیتن گول چیچه یی

دسته دسته ائیله گوللو قوتاز ائیله میشم


شاعر:زنده یاد ولی سطوتی نیری



تاریخ : جمعه 12 اردیبهشت 1393 | 07:13 ب.ظ | نویسنده : AGLAGAN | نظرات
آغلاغان

کد قفل کردن راست کلیک

هاست لینوکس