تبلیغات

بازدید

اولوتانرینین آدیلا *شعر آذری* - دئمیشم

سئوگولوم من سنه عؤمروم بویو جان جان دئمیشم

وعده ی وصلیوی قان باغریما درمان دئمیشم

فرقتونده غم و غصه یله کئچن لحظه لری

تب عشق ایچره یانان چاغلاری هذیان دئمیشم

اونودوب هرنه یی ایلقاریوی محکم سایاراق

هر قدم آتماغیوا بیر قوزو قوربان دئمیشم

اوستومه حمله ائدن وقتیده تکلیک قوشونو

اوره گیمدن اوجالان آه لارا طوفان دئمیشم

حسرت وصلیوه آخدیقجا گؤزوم یاشی اینان

قطره قطره دامیلان یاشلارا مرجان دئمیشم

هوس گولشنی بولبول کیمی باشیمدان آتیب

جور پاییزیله کاشانه می ویران دئمیشم

رحمه گل وعده ی وصلون کیمی سیندیرما منی

آستانیندان اؤپرکن سنه سلطان دئمیشم

قارا گیسولریله عهد ائده لی من قره گون

اینانیب آندیوا اول رشته یه پیمان دئمیشم

آغلاغانام تکی درد اهلی قانار سؤزلریمی

اؤزگه لر فیکر ائله ییر هرزه و هذیان دئمیشم



شاعر : زنده یاد ولی سطوتی نیری


تاریخ : چهارشنبه 11 تیر 1393 | 02:26 ب.ظ | نویسنده : AGLAGAN | نظرات
آغلاغان

کد قفل کردن راست کلیک

هاست لینوکس